做生意已經夠難，
買保險唔應該再係一個坑。

點解會有 StandByBiz？

我哋團隊做財富管理同 MPF 顧問十幾年，日日同香港嘅老闆打交道。發現一個現象：好多公司嘅商業保險，係開業嗰時俾銀行或者相熟 agent「順手」賣落嘅 — 買咗啲乜、保額夠唔夠、有冇重疊，老闆自己都答唔出。

出事嗰陣先發現問題：勞保漏咗報兼職、公責保額低過租約要求、火險買咗但停業損失冇份。呢啲唔係老闆蠢，係從來冇人肯花時間解釋清楚。

所以我哋起咗呢個網站 — 將中小企最常用嘅四大保障，用返老闆聽得明嘅講法寫清楚，再提供免費嘅保障體檢。教育行先，成交行後。

我哋係邊個？

StandByBiz 由 IPP International Wealth Management Limited 團隊營運 — 2006 年起紮根香港嘅獨立財富管理辦公室（WMO），證監會持牌機構，管理資產超過港幣 100 億，長期為企業同僱主提供 MPF 同僱員福利顧問服務（姊妹平台：Save Your MPF）。

負責跟進你查詢嘅係持牌顧問 Wing Yeung — 保險業監管局持牌（牌照號碼 JG4568），一般保險業務經持牌實體 IPP Wealth Advisers Limited 安排；同時係強積金中介人（註冊編號 154059）同證監會持牌人士（CE 編號 BWH233）。由搞清楚需要、全市場攞報價比較，到落單安排，一手包辦 — 商業保險、團體醫療同 MPF 可以一次過搞掂。唔隸屬任何一間保險公司，冇「今個月要跑邊間公司數」呢回事。

我哋嘅三個承諾

• 免費體檢，冇附帶條件 — 需求分析同現有保單體檢分文不收，體檢完唔買，我哋當交個朋友。
• 唔明就唔好簽 — 我哋嘅工作係令你明白自己買緊乜。任何你唔明嘅條款，問到明為止。
• 全市場比較 — 喺幾間保險公司攞報價擺埋一齊，貴定平、好定差，數據話你知。